Sekeda Kerita Berega Mar Enggi Khadem Al-Qubaisi – Deka Dijual Ngagai Sapa-Sapa Orang Ti Bisi Ati Deka Meli

Benung ba atas trek lumba kerita – Al-Qubaisi ti rindu ke kerita lumba

Benung ba atas trek lumba kerita – Al-Qubaisi ti rindu ke kerita lumba

Diatu Sarawak Report nemu ari mayuh bengkah pun penatai berita ti madahka peranak menua Arab Saudi ti pemadu kaya udah napi mayuh bengkah penanggul ti datai ari pengawa enggau ulah iya empu.

Orang Arab nya ti kala nyadi ketuai dalam IPIC/Aabar udah nguji ngemanahka ulah enggau pendiau diri di menua asal iya empu, Abu Dhabi, nguji deka nyadi siku orang ti gerah jari ti udah bekau iya kena pulauka ari tuan iya ti siku ari ruang bilik orang ti bepangkat raja menua nya.

Repot ti nangkanka tu nunjukka Khadem nya udah nyadi kaya raya enggau nyelai sereta enda ditemu sapa-sapa taja iya semina siku pemesai ti bekereja Makai gaji bulan gawa ba perintah baka orang mayuh. Diatu sekeda ari akaun duit simpan dalam bank iya udah kena beku.

Wang turu ari menua Abu Dhabi nya udah ditemu nagih mayuh ari duit ti udah lenyau nya ari Khadem ti udah dipaduka ngemataka IPIC enggau anak kompeni sida, Aabar Investments ti bejalaika dagangkunsi enggau 1MDB ti kena palit skandal nya.

Mayuh agi ari duit bebillion-billion dollar ti lenyau nya udah dipindahka ari 1MDB.

Semina ba sehari tu Aabar udah dipejal mayar pulai US$4 billion ngena bunga duit jali ti besai bendar, ti dipelabaka dikena melepungka 1MDB ngena janji ti ditetapka sida taun nyin kemari, terima kasih ke Khadem.

Al-Husseiny nyimpan duit Aabar dalam program Virgin Galactica enggi Branson, disukung Jho Low enggau bakih iya, Leonardo di Caprio

Al-Husseiny nyimpan duit Aabar dalam program Virgin Galactica enggi Branson, disukung Jho Low enggau bakih iya, Leonardo Dicaprio

Mega sama bisi bekaul enggau Khadem nya, siku orang kanan iya ti mega CEO Aabar ke dulu suba, Mohd Al-Husseiny ti udah dibuai ari pengawa iya aun nyin kemari lebuh skandal 1MDB nya belabuh dikusaika.

Berebak enggau nya mega bala pengarah dalam ReD Granite Pictures (RGP) ti sama nerima belanja ari Al-Husseiny dalam timpuh empat lima taun tu udah. Orang ti bempu RGP nya anak tiri Najib, Riza Aziz, ti diatu benung napi empas ari ulah iya ti enda besenutuk enggau bala orang ti melanja iya.

Berebak enggau nya mega Khadem, ti bempu palan pemerindang, kelab malam Hakkasan, diatu disdang benung ngentapka pendiau diri di Selatan menua Peranchis sama enggau tugung reta pengaya iya.

Khadem udah kala ditusui dalam Sarawak Report lalu iya ngembuan mayuh reta di Cote d’Azur enggau mega di Paris, udah saru sidi Marc Ambrosiien ti dipaduka ngemataka reta pengaya iya dalam bank Edmond de Rothschilde Banque Privee.

Pengurus bank ti bekereja ke Khadem dalam Edmond de Rothschilde

Pengurus bank ti bekereja ke Khadem dalam Edmond de Rothschilde

Marc Ambroisien udah mutuska penemu iya ‘ninggalka’ bank BPERE nya udah bekau Sarawak Report mantaika pengawa iya ti diasuh mindahka setengah billion dollar ke dalam akaun wang turu ‘Vasco Trust’ ti enggi Khadem dalam taun 2012 ari sebuah kompeni ti benama Blackstone Asia Real Estate Partners Ltd (BVI).

Dalam jaku randau ti udah direkod Ambroisien madahka bank ti besai-besai yau nulak pemindah duit ngemayuh nya tauka dibekuka sekali.

Sarawak Report udah suah bendar nusui pasal bala pemansik entarabansa ti ngamatka kompeni Blackstone nya endang ditumbuhka Jho Low ti nyadika proksi ke Menteri Besai Razak dalam pejalai pengawa dagang 1MDB – lalu sekeda ari duit ti datai ari Blackstone nya dipasukka ngagai akaun bank ba AmBank enggi Najib Razak di KL.

Enggau duit ti ngemayuh nya ti mudah diulihka, Khadem tentu berasai dituntung penguji deka meli mayuh kerta berega mar-mar ti dikerinduka iya.

Pia mega, ba bulan nyin kemari, bakih Khadem, iya nya Jho Low udah dituntung penanggul ba aset iya ti kena bekuka, ti endur iya belabuh bejualka sekeda asil lukis iya ti mar-mari di New York ba rega lelong ti jauh murah ari iya ti meli suba.

Diatu Sarawak Report numpuka berita pasal sekeda kerita berega mar-mar ti dibeli lalu digumpul Khadem:

1) Pirelli Pagani Zonda

Dibeli Khadem dalam taun 2011.

Bala orang ti meri penerang belabaka kerita nya manggai ba rega US$5 juta, ti endang digaga ke guna siku deriba aja:

Khadem raun di nengeri St Tropez nepan kerita mar iya Pagani dalam taun 2012 – peratika lumur plat kerita iya, Geneva

Khadem raun di nengeri St Tropez nepan kerita mar iya Pagani dalam taun 2012 – peratika lumur plat kerita iya, Geneva

‘KAQ’ (buah ayah Khadem) suah dipeda raun-raun di sebelah nengeri Selatan Peranchis.

Isi jaku KAQ dalam taun 2011

Isi jaku KAQ dalam taun 2011

Dalam teks jaku nya iya bisi nyebut pasal siti lumur ‘ayam’ iya ti bukai, ti disadang deka dijual iya ila:

2) Veyron SuperSport blue carbon KAQ

Kami nusui pasal kerita tu ti ngayanka nama orang ti bempu iya – dibeli ba rega US$2 juta. Iya bisi dua iti versyen ti bechura mansau buah jambu:

Versyen dua besapit bechura mansau buah jambu ngena lumur plat KAQ

Versyen dua besapit bechura mansau buah jambu ngena lumur plat KAQ

Ditu Khadem raun ngena kerita enggau bakih indu iya ti dientudika penyaga iya ari belakang:

Khadem dipeda raun ngena kerita mar iya ti dientudika penyaga – Veyron Supersport bechura biru – lumur plat Geneva

Khadem dipeda raun ngena kerita mar iya ti dientudika penyaga – Veyron Supersport bechura biru – lumur plat Geneva

4) Veyron SuperSport orange/black KAQ

Bugatti Veyron ti berega US$2.6 juta – lumur KAQ ba plat, ari Geneva

Bugatti Veyron ti berega US$2.6 juta – lumur KAQ ba plat, ari Geneva

5) Koenigsegg

Koenigsegg enggi KAQ – lumur plat Geneva

Koenigsegg enggi KAQ – lumur plat Geneva

Rintai bansa kerita enggi Khadem ti udah mujur kami gumpul – bala pemacha dipinta nambahka rintai bansa keritabukai enggi Khadem:

Veyron SuperSport biru karbon KAQ
Veyron SuperSport jingga/hitam KAQ
Veyron GrandSport karbon
Veyron GrandSport kelabu/pirak
Huayra karbon
BMW X6M chelum
Benz G55 AMG chelum selampur
(semua nya direjista ngena lumur plat Geneva)

The Huyara, ti dilancarka Khadem dalam taun 2012

The Huyara, ti dilancarka Khadem dalam taun 2012

Khadem disadang berasai lantang udah iya nyual ba rega murah sekeda ari kerita iya nya. Semua kerita nya patut berega enda baruh ari US$10 juta.

Utai ti patut diperatika bala orang ti bisi ati deka meli kerita nya, “bejimatka”.

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments